O‘zbekiston Sog‘liqni saqlash vazirligi mamlakat koronavirus bilan kasallanganlarning yoshi va jinsiga oid maʼlumotlarni maʼlum qildi. 6 sentyabr holatiga ko‘ra, koronavirus 43 476 kishida (shundan 17 751 nafari ayollar, 25 725 nafari erkaklar) aniqlangan.
Koronavirus aniqlanganlarning yosh ko‘rsatkichlari quyidagicha:
12 173 nafari (28%) 30-39 yosh;
10 304 nafari (23,7%) 20-29 yosh;
7 521 nafari (17,3%) 40-49 yosh;
5 347 nafari(12,3%) 50-59 yosh;
2 652 nafari (6,1% foiz) 10-19 yosh;
2 565 nafari (5,9%) 60-69 yosh;
1 956 nafari (4,5%) 0-9 yosh;
739 nafari (1,7%) 70-79 yosh;
219 nafari (0,5%) 80 va undan katta yosh oralig‘iga to‘g‘ri keladi.
«Shu o‘rinda qayd etish lozimki, 6 sentyabr holatiga hozirda “COVID-19” infeksiyasi bilan kasallangan bemorlar uchun tayyorlangan shifo o‘rinlarida 2 251 nafar bemor davolanmoqda, – deydi Sog‘liqni saqlash vazirligi bosh boshqarma boshlig‘i Farrux Sharipov. – Ularning 198 nafari o‘ta og‘ir, 366 nafari og‘ir holatda. O‘ta og‘ir va og‘ir holatdagi 564 nafar bemorlardan 110 nafari sunʼiy nafas olish apparatida, 222 nafari noinvaziv sunʼiy nafas apparatida SIPAP rejimida hamda 175 nafari maxsus moslama yordamida burun orqali kislorod olmoqda» - deyiladi xabarda.
O‘ta og‘ir va og‘ir ahvoldagi 564 nafar bemorning 353 nafari Zangiota kompleksiga, 56 nafari Toshkent shahriga, 38 nafari Samarqand viloyatiga, 31 nafari Sirdaryo viloyatlariga, 21 nafari Qashqadaryo, 17 nafari Surxondaryo, 6 nafardan Buxoro, va Jizzax, 3 nafardan Namangan va Xorazm va 1 nafari Qoraqalpog‘iston Respublikasiga to‘g‘ri keladi.
Taʼkidlanishicha, mamlakatda koronavirus bo‘yicha so‘nggi tahlillar shuni ko‘rsatmoqdaki, kasallanish va o‘lim holatlari, asosan, yurak qon-tomir kasalliklari, qandli diabet, o‘pkaning surunkali kasalliklari bo‘lgan va ortiqcha vazn, tamaki, alkogol mahsulotlarini isteʼmol qilgan, shuningdek, kamharakat insonlarda ko‘proq uchragan. Og‘ir holatdagi barcha bemorlarga SSV bosh mutaxassislari, Respublika shoshilinch tibbiy yordam ilmiy markazi mutaxassislari tomonidan videokonsultatsiyalar ko‘rinishida amaliy yordam ko‘rsatilmoqda.
Bundan tashqari, Rossiya, Turkiya davlatlaridan tashrif buyurgan mutaxassislar hududlarda og‘ir bemorlarni mahalliy mutaxassislar bilan ko‘rib, tavsiyalar berishmoqda
Вам может быть интересно: «Борис Джонсон назвал крайний срок заключения торговой сделки по Brexit с ЕС»
