Самарқанд халқаро аэропортининг янги йўловчи терминалини қуриш Узбекистан Аирпортс давлат-хусусий шериклик шартлари асосида Аир Мараканда масъулияти чекланган жамияти кўринишидаги хорижий компанияга топширилган, дея «Дарё» хабар берди. Лойиҳа $40 млн миқдорда бўлган янги йўловчи терминал 2021 йилнинг учинчи чорагида фойдаланишга топширилади.
Самарқанд халқаро аэропорти бугунги кунда $62 млн лойиҳани ҳам амалга ошираётган бўлиб, лойиҳа Узбекистан Аирпортс акциядорлик жамияти томонидан молиялаштирилган. Қурилиш ишлари 2020 йилнинг октабр ойида якунига етади.
Шунингдек, аэропортни реконструкция қилиш лойиҳаси доирасида аэродромнинг сунъий қопламалари қурилади, янги учиш-қўниш йўлаги ва 4 та йўналтирувчи йўллар барпо этилади.
Аэропортнинг самолётларни қабул қилиш қуввати 8 тадан 24 тага етказилади, магистраль йўналтирувчи йўлак реконструкция қилинади ҳамда янги светосигнал ва радиотехник қурилмалар ўрнатилади.
Вам может быть интересно: «Синдзо Абэ может уйти с поста премьера Японии по состоянию здоровья»
