Россиянинг Шимолий Кавказ ва Жанубий федерал округларидан 927 нафар ўзбекистонлик поезд орқали мамлакатга олиб келинди. Бу ҳақда Транспорт вазирлиги ахборот хизмати хабар бермоқда.
Республика махсус комиссияси Ўзбекистон фуқароларини Россиянинг Шимолий Кавказ ва Жанубий федерал округларидан олиб келиш учун Тошкент–Ростов-Дон–Тошкент темирйўл рейсини ташкил этиш тўғрисида қарор қабул қилганди. Россия ва Қозоғистон томони билан келишувга биноан, 23 август куни “Ўзбекистон темир йўллари” АЖ поезди 927 нафар фуқаро билан «Первомайская» станциясидан Ўзбекистонга жўнаган. Мазкур поезд 27 август куни Наманган вилоятига етиб келди.
Қайд этилишича, ушбу рейс орқали олиб келинган барча фуқаролар вилоят транспорт бошқармаси томонидан ташкил этилган автобусларда карантин зоналарига етказилган.
Вам может быть интересно: «Постпред КНР при ООН призвал к содействию политическому урегулированию палестинского вопроса»
